You are here: Home Suugaan Kacaanka Oktoobar waa baaq qoddo dheer! - Dable Cali Cabdi Magan
  • Increase font size
  • Default font size
  • Decrease font size
Search

Somali President Jaalle Maxamed Siyaad Barre

Kacaanka Oktoobar waa baaq qoddo dheer! - Dable Cali Cabdi Magan

E-mail

Dable Cali Cabdi Magan wuxuu aha gabyaa kacaan. Gabayadiisu waxay ka soo hor jeedeen dibusocodka iyo gumeysiga cusub. Isagu gabaygaan wuxuu ku taageeraya xaqa, caddaaladda, sinnaanta, wuxuu ku cambaaraynayaa gabaygiisa dhiigmiiratada, hantigoosadka iyo dhabadhilifka gumeysiga, afmiishaarka iyo cadawgii Kacaanka oo dhashay 21kii Oktoobar 1969, ee ay horseedayeen Gudoonshaha Golaha Sare ee Kacaankii, Jaale Siyaad iyo Kaaliyayaahiisi ku jiray Guddiga Golaha Sare ee Kacaanka iyo waxgaradkii Ummadda Soomaaliyeed, shaqaalahihii, ciidamadii salabka siday, beeraleeydii iyo xoolo dhaqatadii Soomaaliyeed!

Tixahan gabayga ahi, waxay ku saabsan yihiin KAcaankii Oktoobar oo baaqa dheeraa. Dable Cali Cabdi Magan wuxuu gabay ku yiri:

Kacaankii inoo dhashoon dhiigba lagu daadin

adduunyadu dhammaanteed qirto dhaxalgal weeyaane

Dhulkiyo cirka wada ogsoon dhayrki uu dhalaye

Murtidii Siyaad noo dhigiyo dhaxallay guushiiye

Dhalanteed ninkii moodayow waa dhab tawradduye

Fikrad dheer inay leedahaan dhaar ku marayaaye!

Anaa idin ka dhaadhicinayee dhego u soo jeesha

Waa shaqaalaha intaa dhimanayee dhididka maalaaya

Waa kuwa iskoollada dhigtee dhabarku boogoobey

Waa ciidammada dhaarsanee gama' ka dheeraaday!

Waa kuwa jabsada dhagaxa ee muruqa dhuuxaaya!

Waa ciidda kuwa kala dhambala dheellidiyo beerta

Waa kuwa kalluunkiyo ku dhaqan badaha dhoofkooda!

Dhinac kale haddaan fiirnnoon dhaqanka faallaynno

Gabadhihii ku dhiman jirey haddaan dhoollo ka caddeeyo

Saddexdii dhudood boqorka ay dhab ugu laafyooto!

Dhaaclihii la qaadan jiriyo khaylidiyo dhuugga!

Kabo wada dhalaaliyo dhawr go' oo quruxsan

Kuushii hiddaha laga dhaxloon laabta ko u dhaafin

Masar siiga dhawroo timaha lagu dhaqaaleeyo

Dhoorkii la heeraari jirey dhawr saniyo saa'id

Dhalo subag ahoo gooniya dhaashigii subagga!

Dharkaasay kurtood xiran jireen dhaqanka weeyaane

Dhanna umay seexan jirin duhur dharaareede!

Dhagta waaga bay kici jireen dhaxan arooryaade!

Qabo aad u dheer iyo argeeg dhiilo laga suubsho

Dhulkay maar ka soo guran jireen mayrac dhacadiidda!

Dhalasaarka dheegfuulka iyo weerka dhinac yaalla

Dhigdhaxada dhagaagtiga biraha dhiisha iyo looxa!

Dhuure iyo fandhaal dheriga xeelo dhacadiidda!

Gogol saxarki laga dhawray iyo tolane dhiidhiiya

Raro dhawr sambala bay markaas dhab u sameeyaane

Haddiise guur dhadhamo kaa gashood hadal u soo dhiibto

Jidka kuguma dhaafaan inay kugu dhawaaqaane!

Dhawr sano adoon raadinoon dhiiggu kugu joogsan

Dhayal uma heli jirin kinkii dhudi jeclaadaaye!

Haddiise meher kuugu dhaco oo calafku kuu dhiibo

Iyadoon ninnaba dhawriniyo booyiso u dhaamin

Iyadoo adduunyada dhaqdoon dhididka diideynin!

Iyaddoon masruuf kugu dhibeyn beeso ay dhigato

Iyadoo dhashii nuujisoo dhabarka saaraysa!

Ayay dhawrsanaan dumar lahayd sarafay dhawrtaane!

Kuma dhumay haddaan fiirnnana dhimasho weeyaane

Dhoobay lugaha kula jiraan dhaqan shisheeyaade!

Toob saracda dhaafsiisanoo dhuunta kala jeexan

Kabo taako dheerliyo ciddiyo dhiig la soo mariyey!

Dhiirdhiiskaa socodka iyo baarka laga dheelo

Boorso dhinaca lagu qaato iyo suuq la dhalandhoolo

Madax dhalada loo fiiqay iyo naaska dhinac qaawan!

Diintuba waxay dhaaftay bay dhinaca haystaane

Dhinac kale haddaan fiirinnoon nimanka dhayruufno

Kuwii dhaqanka hayn jirey haddaan dhuuxa ka caddaynno

Shaley faraqyo dheer iyo maryaha quruxda loo dhiibey!

Billaawaha dhankaa midig ku xiran waran dhalaalaaya

Gaashaan jilbabaha loo dhigiyo geesinnimo dhaarsan

Awr dhebile nirig dhalatay iyo dhoobir lagu raaco

Dhakal caano lagu kaydiyey dhab u yaqaanniine!

OO way ku dhaadani jireen dhaqanka weeyaane!

Kuwa dhumay haddaan fiirinnana dhimasho weeyaane!

Dhabbihii ibleyskey hayaan dhaqanki gaalaade!

Dhalanteedka iyo beenta bay dhab u maleeyaane!

Dhilladiyo khamaarkay intaa dhabar wareegaane!

Dhalo aalkoliyo biirahay dheef ka deyayaane!

Khididkoodi iyo xooggey dhab u halleeyeene!

Dhabbaha iyo dariiqay sidii dhiriq u yaallaane!

Afartaa dhammeeyaye waxaan hadal ku soo dhaabay

Dhanna hawga bayrina waddada dhaqanka loo yeelay

Dharka saad u qaadani jirteen haysta dhalankiina!

Iska dhawra diintuu qarbigu nagu dhex beeraayo

Ku dhintaay! hidduhu waa sharciga dhaxalgakiisiiye

Comments (0)add
Write comment
smaller | bigger

busy
 

Custom Search