You are here: Home Khudbado Qabiilka iyo Qaranka - 1983
  • Increase font size
  • Default font size
  • Decrease font size
Search

Somali President Jaalle Maxamed Siyaad Barre

Qabiilka iyo Qaranka - 1983

E-mail

Jaalle Siyaad waxuu uu 27/7/83 ka furay xaruntii Jaamacadda Ummadda ee Magaalada Muqdisho, Dood Cilmiyeedkii 2aad oo ay ka qab galeen Macallimiintii Jaamacadda Ummadda iyo Aqoonyahanno ka tirsan ha'adaha Qaranka.

Waxa Khudbad qiimo leh ka jeediyey Jaalle Siyaad oo si ballaaran uga warramay waxyeellooyinka qabiilku u leeyahay Bulshada, xaq dhaqaale, siyaasad, iyo guud ahaan horumarka Ummadda.

 

Jaalle Siyaad wuxuu yiri:

"Qabiilku wuxuu yahay mid soo jireen ah Ummadaha Adduunkuna ay soo wada mareen, balse ay jiraan dalal badan oo ka xoroobay waxyeelladiisa, kuwaasoo mar qura aan gaarin guushaas, hase yeeshee ey marxalado kala duwan ka soo mareen ka madax bannaanaashada dhiilooyinka Qabiilka.

Ma jirto mana jiri doonto in Ummadi horumar gaarto iyadoo aan si cilmi ah uga gudbin waxyaabaha hakin kara in ay gaarto guul wax qabad ee xagga dhaqaalaha, iyo arrimaha bulshada ee Qabiilku Aabbaha u yahay.

Waxaa lama huraan ah in aynu ogaano heerka iyo halka ay dunidu ka marayso horukaca, isla markaasna aar la nidaamnaa niyad, rabitaan iyo yididiilooyin aynu ku higsaneyno horumarka asaagayagu gaaray, taasoo xaqiiqa du sida ay tahay lagu gaari karo ku dhaqanka cilmiga iyo ka fogaanshaha wixii dhib u dhac inoo keenaya.

Marka heer Qaran ilaa heer qoys si caddaan ah iyo aragti waddaninimo looga doodo layskuna tusaaleeyo sida looga gudbi lahaa turunturrooyinka Qabiilka, shaki kuma jiro in markaas la siibayo tiir ka mid ah tiirarka uu qabiilku ku taagan yahay lana helayo saldhig adag iyo goobo lagaga duulo ciribtirka qabiilka oo ah cadowga ugu weyn oo ay Ummadi leedahay.

Waxa Qaran dhismi karaa marka bulshadiisu ay ka xorowdo ama laga tirtiro raadadka Qabiilka iyo wixii la halmaala.

Aqoonyahanada Soomaaliyeed waa in ay gutaan doorka weyn ee laga sugayo in ay ka qaataan dadaalka loogu jiro in Ummadda Soomaaliyeed ay gaarto horumarka ay higsanayso, taas oo ku imaan karta marka Indheergaradku si ficil ah aqoontooda ugu dabbaqaan fulinta hawl maalmeedka Qarameed iyo la dagaallanka Qabiilka.

Aqoonyahanka dhabta ah waa kan ku fekera sidii uu Ummaddisa ugu badbaadin lahaa dib u dhaca uu le leeyahay Qabiilku isla markaasna ku hamiya goor kasta in uu noqdo horseedaha, toosiyaha bulshada sidii ay u gaari lahayd horukac dhan kasta ah.

Aqoonyahanka Soomaaliyeed waa in uu noqdaa mid guda abaalka ay Ummaddu ku leedahay, abaalkaa oo uu ku gudi karo in uu ahaado mid ku baraarujiya bulshada waddada horumarineed isaga oo ay ku beeran tahay isku kalsooni waddaninimo.

Qof kastaba waxa uu qabto ama u tari Ummadiisa taariikhda ayaa qoreysa waxaana loo baahan yahay in dhallinyarada Aqoonyahanka ahi ay meel hore ka galaan taariikhda socota iyo gaaritaanka kharaadka ay Ummadu u baahan tahay.

Haddaba Dood cilmiyeedkaan waxa laga sugayaa in waxyaabaha ka soo baxaa saldhig u noqdaan tillaabooyinka lagu ciribtirayo Qabiilka si loo abuuro bulsho ka caafimaad qabta Qabiil ee u soo jeedda horumarinta dalka iyo dadkeeda.

Waxaan idinku boorinayaa in aad howshiina saldhig ugu dhigtaan cadaalad iyo dareen waddanimo si miraha ka so baxaa u noqdaan kuwo lagu gaaro yididiilooyinka iyo ujeeddooyinka Dooddaasi.

Waxaan ugu dambeystii bogaadin u soo jeedinayaa ha'adihii soo qaba qaabiyey dooddaasi anigoo u rajeynaya indheergaratada ka qayb qaadaynsaa guul iyo waxqabad horumarineed."

Comments (4)add
Qabiil Diide
written by Somali doon , January 28, 2010
Qabiilku waa midkii naqaribay oo naga reebay Dadka aanu latartameenay waayo hauusan qabiil jirin qarnimo mawayneen ...ee walaalayaal Qabiilku waa shay ama magac malaga waynaado...ee idinka inoo dhoowar maga ah SOMALIA....walalaal sida aad lasocotaan wadankeena wuxuu ahaa SHABEELKII AFRIKA maanta waa bisadii AFRIKA sidaasina waxaa inoo galay waa QABIIL ee aan iskadayno insha allah.
aaway madatinimadii
written by hussein , March 16, 2010
madaxweynahu wuxuu ahaa madaxweyne laakinn away madaxtinimadii

Jaahil + Qabiil = Huramar La'aan
written by Maxamed Xasan , March 22, 2010
Ilaahay ha u naxariisto Aabahii Ummada Soomaliyeed Max'ed Siyaad Barre. Cudur walba oo an dawo loo heyn waxaa waajib ah in dhaqaatiirtu, wax garadka iyo ummaduba ay isku si ay u wada dareensanyahin dhibaatada u cudurkaas saameyn weyn ugu lahaan karo ummada, waxaana filayaa hadii intii iskugu timid aqoon is weydaarsigaas ay daacad ka noqon lahayeen in ay ummada ka badbaadiyaan cudurkaas in ummada Soomaliyeed hada xaalada ay ku jirto aysan ku jireen. Mar kale waxan luminay fursad aad qaali u aheyd, si aan uga badbaadno dilaaga 20+ sano ummadeenii dhameeyey Qabiil.

Mahadsanid,

Maxamed Xasan
boodhle01@hotmail.com
written by cabdirashiid cali yusuf , August 31, 2011
Alle ha unaxariisto jaalle siyaad way caddahay in uu wax uqabtay umadda soomaaliyeed marka ilaahay danbiyadiisa kale ha ku dhaafo wax qabadka ummadda

Write comment
smaller | bigger

busy
 

Custom Search