Kicinta iyo Dhismihii Bulshadii Kacaanka Soomaaliyeed

Print

Kacaankii 21kii Oktoobaar intii uu dalka ka curtay si weyn ayuu u daryeelay isku dubbaridka bulshada. Waxaana arrintaas looga dan leeyahay in bulshada Soomaaliyeed ay qayb libaax ka qaatayn dhismaha lagu horumarinayey dadka, ayagoo niyad saafi ah ku dhaqmayey. Bulshadu waxay ka kooban tahay guutooyin kale geddisan oo mid walba ay dhinac ugaga jirto dhismaha mujtamaca ay ku wada nool yihiin. Guutooyinkaas bulshada waxaa ka mid ah:-

Shaqaalaha, Beeraleyda, Ardayda, Hooyooyinka, Guulwadayaasha, iyo kuwa kale. Guutooyinkaas waxaa mid walba loo sameeyey urur u gaar ah si hawlahooda lagu maamulo, looguna diyaariyo dhismaha dalka ka socdoy.  Waxaa kale oo guutooyinkaas loogu sameeyey ururradaas, in danahooda guud ahaan lagu daryeelo, aqoontooda guudna sare loogu qaado.

Kacaankii Somaaliyeed guulaha uu gaaray waxaa ka mid ah inu tirtirayo dabaqadihii kale sarreyey ee mujtamacu ka dhisnaa waqtigii hore. Wuxuu kale uu baabi'iyey quurshadii, iyo erayadii xunxumaa ee dadka shaqooyinka kale duwan haya lagu kale socci jirey, ujeeddada weynina waxay tahay in la wado shaqaysto.

Waxaa la dhisay intii Kacaanku jirey xarummo lagu carbinaayo bulshada. Waxaa kale oo meel walba laga furay tababarro iyo hanuunis ballaaran oo lagu barbaarinaayo bulshada.


Jaalle Siyaad wuxuu yiri:

Dhallinyaradu waa in ay ka qayb galaan dhaqaalaha, siyaasadda, tacliinta iyo caafimaadka dadka ilaalintiisa, waa in ay la dagaallamaan cadawga dalka dibedda iyo gudahaba kaga yimaadda