You are here: Home
  • Increase font size
  • Default font size
  • Decrease font size
Search

Somali President Jaalle Maxamed Siyaad Barre

Jaalle Maxamed Siyaad Barre - JaalleSiyaad.com

 
Mar05

Xafladii Soo dhaweenta buugga Cusub ee London

Xafladii Soo dhaweenta buugga Cusub ee London, 3rd March 2012 “Somali President Mohammed Siad Barre, His Life and Legacy”


Xaflad si weyn loo soo agaasimay oo ku saabsaneeyd buug cusub oo dhawaan la qoray ee uu qoray qoraa Soomaaliyeed oo lagu magacaabo Mohamed Ibraahim Shire.
Waxaa buuggan uu xambaarsan yahay taariikhda muggaleh la soo bandhiigay qoraaga
buggan Cabdicasiis Ibraahim Cali (Xildhibaan).

Qoraaga buuggan waxa uu si hufan oga hadlay sababtii ku dhalisay inuu isku taxluujiyo ee uu juhdi badan galiyo inuu isku dubarido taarikhdaas kadibna qoro buuggan. Qoraaga oo hadlikiisii sii wata ayaa wuxuu ku qotomiyay qornadan buuggan inay tahay taariikh Lagamamaarmaan u ah Ummadda Soomaaliyeed iyo weliba jiilka dhalinta yare e soo hanaqaaday 21kan sano ee burburku socdo.

Waxaa uu buugan ku saabsan yahay waxqabadkii Kacaankii 21kii October 1969 ilaa 26kii Janaayo 1991 iyo waliba taariikh nololeedkii A. U. N Jaalle Mohamed Siyaad Barre. Xafladddan ayaa waxaa si mug buuxa leh oga hadlay maddaxdii qarankii Soomaliyeed,aqoonyahano, dhalinyaro Soomaliyeed iyo dadkale oo aad u farabadan. Madaxdii iyo masuuliyiintii ka hadashay ayaa waxay ahaayeen masuuliyiin aad u xusto taariikhda dalka Soomaaliya iyo weliba geeska Africa.

Waxaa ka mid ahaa masuuliyiintii ka mida ahaa Dr Cabdulqadir Cali Boolaay, Kaaliyii XHKS Cabdulqadir Haaji Mohamed, Gen Yuusuf Ahmed Salxaan, Wasiirkii hore eewarfaafinta Faarah Daahir Afeey iyo masuuliyiin tira badan oo buddhigo u ahaataariikhdaas muhiinka u ah Ummadda Soomaaliyeed. Waxaa kaloo halkaas hadalka qaatay aqoonyahano, odayaan, waxgarad, haweenka iyo dhalinyaro kakala socota goboldada dalka. Waxaa halkaas heeso qiiro leh tiriyay abwaanCabdiriaaq Ahmed Faarah (Gaadaco)

Waxaa xafladaan lagu soo bandhigay qaabkii hoggaameed ee dalka Soomaaliya uu ku Gaaray baarka sare ee dowladaha dunida Africa iyo weliba dunida Arabta, sumcad weyna ku yeeshay ama ka kasbaday dalalka caalamka.

Xafladdi ayaa ku soo gaba-gaboowday jawi aad iyo aad ay dadkii joogay ugu qiiroodeen

   
Jan30

Ogeysiis: Xaflad daah-fur buug cusub (Jaalle Siyaad) ee London

Xaflad daah-fur buug cusub ee London

 

Taariikhda; Sabtida, 3 March 2012
Saacadda; 6:00pm – 9:00pm

Maddasha; Friends House, 173 Euston Road London NW1 2BJ

Waxaan dhamaan bulshada Soomaaliyeed ee deggan wadanka UK, gaar ahaan magaaladda London iyo nawaaxigeenda si sharaf & qadarin mudan ku casuumaynaa xafladdan.
Waxaa xafladaan lagu soo bandhigidoonaa buug ku saabsan noloshii iyo kaalintii uu ku lahaa madaxweynihii saddexaad AUN Jaalle Maxamed Siyaad Barre dowladdii dhexe ee Soomaliya, waxaana qoray qoraage Maxamed Ibraahim Shire.

Xafladdan ayaa ah mid si wanaagsan loo soo agaasimay isla markaasna ay ka hadli doonaan dad Soomaaliyeed oo kala duwan oo soo jireen u haa sooyaalkii taariikhdii dalka Somalia.
Buuggan oo xambaarsan taariikh dhanwalba ah isla markaasna si ahmiyad mudan u daadihinaysa waxqabdkii dowladdii kacaanka iyo kala duwanaanshihii siyaasadeed eejiray bur-burkii ka hor.
Waxaan ugu baaqaynaadhamaan bahweynta Soomaaliyeed sida dhalinyaradda, Haweenka,oday-dhaqameedyadda, culumaa’udiinka, aqoonyahanada iwm. . . . Inay si wanaagsan uga faa’iidaystaan fursaddan qaaliga ah oo dad badan oo soomaaliyeed aysan lasocon ama aan wakhtigaas hanaqaadin.

Taariikhdan ayaa ah midii ugu xiisaha badnayd tan iyo intii uu wadanka Soomaaliya qaatay xornimadiisii iyo israacii labada gobol. Waxaan idinku mahadnaqaynaa inaad jeceshihiin inaad la socotaan taariikhdan mugga leh iyo isbadaladii uu soo maray dhulkeenii hooyo.

Sidee halkaa loo tegayaa:

Rail (tareenka dusha) ahaan: Halka ay ku taal oo ah ka soo horjeedka boosteejada tareenka dusha iyo dhulka hoostiisa ee Euston, waxaa toban daqiiqo looga lugeeyaa Boostaajada Caalamiga ah ee St Pancras iyo King Cross Station. Dhamaan bosteejeeyinka tareemada dusha mara waxaa si fudud loogu gaadhi karaa tareenka dhulka hoostiisa mara.

Tube (tareenka dhulka hoostiisa) ahaan: Boostaajada ugu dhow ee tareemada dhulka hoostiisa mara waa Euston iyo Euston Square, kuwaas oo ah khadadka Northern, Victoria, Metropolitan, Circle iyo Hammersmith City.

Bas ahaan: Lambarada 10, 18, 30, 73, 205 iyo 390 ayaa albaabkeeda hor mara, halka 59, 68, 91, 168, iyo 253 istaagaan meel u dhow.

Baabuur ahaan: Friends House wuxuu ku yaalaa meelaha mishiinada lagu rido lacagaha ee meelaha baabuurta la dhigto. Waa in kharashka la bixiyo Isniinta ilaa Jimcaha 08.30 – 18.30 iyo Sabtida 09.00 – 13.30. Waxaa jira dariiq kale, meel baabuurta la dhigto oo mudo ka dheer ah oo ku taala Euston Station hoostiisa.

 
Page 7 of 15

Custom Search

 


Buug Cusub / New Book


Khudbadii ugu dambeesay 1991 Version 2

Khudbadii ugu dambeesay 1991

Latest Comments