You are here: Home
  • Increase font size
  • Default font size
  • Decrease font size
Search

Somali President Jaalle Maxamed Siyaad Barre

Jaalle Maxamed Siyaad Barre - JaalleSiyaad.com

May18

Gallery - Part 21

imageimageimageimageimageimageimage

 
Apr08

Gallery - Part 20

imageimageimageimageimageimageimageimageimageimage

 
Jan23

Gallery - Part 19

imageimageimageimageimageimageimageimageimageimageimageimage

 
Jan09

Hambalyanta Oktoobar - Cabdillaahi Suldaan Maxamed Timacadde

Geeraarkan Cabdillaahi Suldaan wuxu tiriyay Oktoobar 1971 kii wa xuskii loo samaynayey 2 guuradii Kacaankii Oktoobar. Qaybta hore wa hambalyo, faallo, taariikh, duco, damaashaad iyo dhoolatusad. Qaybta denbena waa dardaaran ka kooban digniin iyo guubaabo. Markaynu labada qaybood isku darno waxaynu arkaynaa murtida dhaxalgalka ah ee Timacadde inooga tegay. Waxa la yaab leh sida ballaadhan e Cabdillaahi Suldaan u sifaynayo habeenkii Kacaanku curtay isagoo ku so celcelinaya habeenkii . ... habeenkii;
Wuxu yidhi:


Hadal waa iga caawiyo
hambalyaynta Oktoobar
halna wayga dardaaran:

Hadal waa iga caawiyo
hambalyaynta Oktoobar
annagoo habayaaqnayoo
meet fog heeryada saarrayoo
qayrkeen hoos ka marnoo
hadda oon is ogaynoo
hog dheer la inagu duugaa
heddu waa waqtigeedee
hoggay leego geleysey
hugun weyni ka yeedhayoo
anaa qaadi hoggaankiyo
anaa xoola huraayiyo
hayb saraan ka dhashay
nimba hoygi ku faanayoo
hig tidhay kala yaacdayoo
hormaba gees u dul/aantayo
heshiis la isku dhexwaayay baa
halyey ciidda u dhaarsan oo
illaahii ku hagaajiyo
heegankeeniyo geeshkow
mahad weyn naga hooya
Geeraarse waa hal ku dheg
habkii geesi lahaa
kala haayirayeenoow
istiqlaalkii hallaabaye
hore loo wadi waayey
habeenkaanu helloow!
Halbowlii na go' ee
dhiigguu how na lahaa
habeenkii na bogsiiyoow
iyadoo isku huurtay oo
ninba meesha u haysto
hudheelkiisii la moodoon
xafiis loogu hagaaginoo
cidiba soo hor maraynin
haybaddii naga duushay
habeenkaanu helloow!
Hiyigii isticmaarkee
hagardaamadu tiiliyo
"hayedaanu" lahayn
hariiryaale ku taagan oo
hareertooda tubnaabaa
markii ay hubsadeen
haddii waagu dillaaco
inaan haaddu qadaynin
haatufka isugu yeedhayoo
u hoggaamiyey soodhkoo
beynaaddii hat ka siiyey
horaadoo nirigteennii
haaneedoo kuma daabane
waa kuwaa hirgeshayoo
hadhuubkeen ma wareegine
kolleyse way ninka liitiyo
haweentii caqli gaabiyo
han yaraan garanaynine
heerkii aynu is taagnay
hadimaan ku sugnaynoo
haddaa may dhaqanteene
waa hungoobi lahayne

habeenkaanu ka baydhnayoow!
Hal madoobe abeesiyo
halaq baa na qaniinayoo
waabaydaan hinifsiinnayee
heensannaa na asqaysee
habeenkii na xadhaadhsheyow!
Nimankii na hafaayayee
hilbeheenna ku naaxaye
heenkeennii ku caddaadayee
noo hoosaasinayeen
wixii ay ku hodmeen iyo
habbooneey wershaddii
hurinaysay ilayskiyo
sonkortii hulka Jowhar
habeenkaan la wareegnayoow!
nin siyaasad hillaabanoo
doorashaa ina haysiyo
hadhuudhkii cascasaa baan
halkan soo dhigayaa iyo
afmiinshaar halcanaayiyo
wasiir haama-calaysan
hadba meel ula guura oo
u haliilaya dhiigga ooy
ka horrayso calooshu oo
hayaay "yaan la dhashay?"
hirrigta is-marinaayiyo
kuwo beenta handaafsha oo
sida beesha hayaansha oo
qabri waa hare hoydey
hadhac weyn ka dul waabayoo
ku hantaaqa wadaaddo
soo habeeya quraanoo
hal-madaad hal-madaad
hufinaaya badwaantiyo
habaarka iyo inkaartii
hud-hudkii laga raystay
"hus" yidhee kala daadshayow!
lyadoo huguntay oo
heegan la isu afuufiyo
habeenkay is ogaatay e
hibataysey xumaanta eey

haasawdeey is dhawaysayee
hagoogtii naga qaadoow!
Hanti aanad lahaynood
gacmaa hoos dhigataana
hal nugayl kugu beermiyo
hayin la isaga guuriyo
hoorrigii la tilmaamiyo
hal dhurwaa oggolaatiyo
hebed baad noqotaaye
kabeenkaan iska diidnayow!
Habeenkaagan ayaamane
hanfigii gulubkii iyo
huluumbii naga saarayow
inaan kaa hor nimaadnoo
habsan kuugu cayaarno
hor Allay nagu gaadhee
hiirta waaberiga
hadduu Eebbe yidhaahdoo
hagaag loo wada tooso
hablahoo kala gaar ahoo
baddoo laydhi hufaysiyo
haldhaagoo casar joogiyo
horseed gaadhkii Bikiiniyo
hir tigaadle la moodoo
hiddaha kaan u lahayn iyo
hugoodii wada qaatayoo
afkii hooyiyo aabbe
heesayoo ku dhawaaqi
hardaf dheerta iskuulka oo
nin habsaamay lahayn iyo
Miiggan haaddu ka yaacdoo
sawaariikh lagu hoogey
humbaalaysanayaan oo
hawada is-rogrogaayiyo
hanqadh weynaha reemiyo
aamikaarka hadaafiyo
ciidankii hubka haystoo
hannaankay u barteen
u hakaabsanayaa oo
hafsarkii dalbanaayey
hareerta isaga looxayoo

calankii ka horreeyoo
higta jaanta dhacaysiyo
habaaska la isku gadhoodhay
hoosadii Xamarweyne
hadalkeedaba daayoo
nin Hargeysa dhex joogay
hammi baa u kordhayoo
bandhigyaashii horeetiyo
kani waa kala haab oo
isku heeriba maahoo
hiim-hiimse madow iyo
himbiriirsi la dhaafyoo
Rabbiyoow na hagaaji oo
sannadka ina hadheeyey
midaan hoota /ahayn iyo
hoodaweyne ka yeel!
Madaxdaan u hilowney
haddii aan maanta haleellay
hor-wadeenka Siyaad iyo
hanadyaal ka sokeeya
waxay haybinayaan iyo
taladay hinjiyaanba
adigaa haya khayrka e
Rabbiyoow "haye" noo dhehoo
nooga hiili kufaarta!
Halna waa iga dardaarane:
haqabeelka horeeto
haddii la isu xilqaamoon
ruuxna ruux ku hallaynin
wax yar baa ka hadhsanoo
hawl raaxaa ka dambaysoo
isticmaarkii hinaasiyo
nimankaynu is hayney
weligii hoyan maayoo
heddeenaysugayaane
hadba meesha daleeliyo
hadimayn ka ilaashoo
hurdada waaga ad gaadhaa
hagaag loogu gam'aaye
Nimmaan ha u hunguroon.

 
Page 2 of 15


Custom Search

 


Buug Cusub / New Book


Khudbadii ugu dambeesay 1991 Version 2

Khudbadii ugu dambeesay 1991

Latest Comments